O nacemento dunha cor

«Calade. Vouvos contar como me convertín neste espléndido ton vermello. Un mestre miniaturista, experto en pinturas, machucou freneticamente co morteiro e o mazador a mellor variedade de cochinilla dos climas máis tórridos da India ata formar un po finísimo. Dispuxo cinco dracmas dese po vermello, un dracma de albitorno e medio dracma de aventurina. Coceu o albitorno en tres ocas de auga. Despois, engadiu a esa auga a aventurina, mesturándoa á conciencia. Deixou a mestura cocer o tempo que leva beber unha cunca do mellor café. Mentres el saboreaba o café, a miña impaciencia aumentaba como a dun meniño que está para nacer.»