Unha especie multiplanetaria

Os humanos evolucionamos para vivir na Terra. Estamos adaptados á presión da súa atmosfera (que amais proporciona o osíxeno que respiramos) e á súa gravidade. Dispomos de abundante auga líquida, a temperatura é agradable e, por se non fose dabondo, proporciónanos alimentos naturais.

En Marte a cousa é ben máis hostil: a súa atmosfera é moi fina e case non hai osíxeno, ningunha capa de ozono bloquea a radiación ultravioleta, as temperaturas son baixísimas, a gravidade é tres veces máis débil que a da Terra, non hai auga líquida e, por se non fose dabondo, non hai nada comestible.